Stór føroysk luttøka í Norðurlandameistarkapping
Leygardagin 26. og sunnudagin 27. mai 2018 verður kappingin um Norðurlanda Meistaraheitið í judo hildin í Hillerød í Danmark.
12 føroyskir luttakarar skulu hesar dagarnar royna seg í ymiskum vektbólkum.
Hjá monnum undir 18 ár luttaka Bjarni Kyrri Ólavsson úr Havnar Judofelag í vetkbólkinum -50 kg., Fríði Magnusson Carlsson úr Havnar Judofelag í vektbólkinum -55 kg og Aleksandur Christensen úr Sunda Judofelag í vektbólkinum -81 kg.
Hjá monnum undir 21 ár luttaka Dánjal á Krákusteini og Bárður Hentze Lenvig úr Havnar Judofelag í vektbólkinum -66 kg.
Hjá kvinnum luttaka Sanna Nolsøe Djurhuus frá Oxford Judo í vektbólkinum -78 kg., Silja Johannesen úr Sunda Judofelag í vektbólkinum -70 kg. og Hansa Torgerð Ellingsgaard úr Sunda Judofelag í vektbólkinum -78 kg.
Hjá monnum luttaka Petur Sigurð Johannesen úr Havnar Judofelag í vektbólkinum -100 kg., Sigmundur Johansen úr Skálafjarðar Judofelag í vektbólkinum -90 kg. og Nikolai Sigurðsson úr Klaksvíkar Judofelag í vektbólkinum -73 kg.
Hjá monnum veteranum luttaka Búgvi Poulsen úr Havnar Judofelag í vektbólkinum -81 kg., Petur Sigurð Johannesen úr Havnar Judofelag í vektbólkinum -100 kg. og Sigmundur Johansen úr Skálafjarðar Judofelag í vektbólkinum -90 kg.
Harafturat er blandað liðkapping, har 3 menn og 3 kvinnur eru á liðnum. Tilmelding til ta kappingina er leygardagin, og væntandi luttekur eitt føroyskt lið har eisini.
Venjari hjá føroyska landsliðnum er danin Roland Vogt og hjálparvenjari er Petur Sigurð Johannesen.