2 bronsur í altjóða judokapping í Danmark

13. februar 2018

 

 

18 føroysk ung judofólk hava verið til Danis Open, sum er ein sterk altjóða judokapping við luttøku úr 11 londum.

Judo Føroyar luttók við 18 luttakarum – 15 dreingjum og 3 gentum – frá Havnar-, Sunda- og Klaksvíkar Judofelag.

Og tað gekk sera væl hjá føroysku luttakarunum. Hóast hetta var ein sterk kapping, høvdu okkara luttakarar góðar dystir, har tey góvu alt, tey høvdu, og tey eru øll á einum máli um, at hetta var ein sera lærurík kapping, har venjingarlega eisini var partur av tiltakinum.

Føroyar vunnu tvær bronsumedaljur í kappingini. Petur Sigurd á Túgvu úr Sunda Judofelag vann bronsu í vektbólkinum yvir 60 kg. í aldursbólkinum undir 15 ár, og Jákup Hentze Davidsen úr Havnar Judofelag vann eisini bronsu, tað var í vektbólkinum undir 42 kg. undir 15 ár.

Gran Prix 2018/19, 2. umfar
11.10.2018
Grand Prix 2018/19 - 1. umfar
25.09.2018
Sandoyar Judofelag sett á stovn
04.09.2018
Føroyingur norðurlendskur meistari
29.05.2018
Stór føroysk luttøka í Norðurlandameistarkapping
24.05.2018