3 gull, 2 silvur og 2 bronsur í danskari kapping

23. mars 2019
  • Føroysku luttakararnir og medaljuvinnararnir. Frá vinstru: Jógvan Páll Kristiansen, 1 silvur, Petur Sigurð Johannesen, 1 gull og 1 silvur, Sigmundur Johansen, 2 bronsu og Búgvi Poulsen, 2 gull | Mynd: Roland Vogt
  • Vinnararnir í tyngra opna vektbólkinum. Uttast til vinstru: Petur Sigurð Johannesen, silvurvinnari, og uttast til høgru: Sigmundur Johansen, bronsuvinnari | Mynd: Roland Vogt
  • Vinnararnir í lættara opna bólkinum. Í miðjuni: Búgvi Poulsen, gullvinnari | Mynd: Roland Vogt
  • Vinnararnir hjá monnum -100 kg. Nr. 3 frá vinstru: Petur Sigurð Johannesen, gullvinnari | Mynd: Roland Vogt
  • Vinnararnir í vektbólkinum -90 kg. Nr. 3 frá vinstru: Sigmundur Johansen, bronsuvinnari | Mynd: Roland Vogt
  • Vinnararnir í vektbólkinum -81 kg. Nr. 2 frá vinstru: Búgvi Poulsen, gullvinnari | Mynd: Roland Vogt
  • Vinnararnir í vektbólkinum -73 kg. Uttast til høgru: Jógvan Páll Kristiansen, silvurvinnari | Mynd: Roland Vogt

4 føroyskir judoleikarar vóru í kapping í Odense í dag. Hetta var ein kapping fyri “masters” ella veteranar, sum vit siga við hvørt. Talan er um luttakarar, sum eru yvir 30 ár.

Og allir vunnu teir medaljur í kappingini.

Búgvi Poulsen vann gull í sínum vektbólki, sum er -81 kg, har 8 luttakarar kappaðust. Harafturat vann hann eisini gul í lítla opna bólkinum, t.v.s. opin bólkur við øllum undir 81 kg. Í hesum bólkinum vóru 10 luttakarar.

Petur Sigurð Johannesen vann gull í vektbólkinum -100 kg., har 7 luttakarar vóru, og í tyngra opna bólkinum vann hann silvurmedalju.

Jógvan Páll Kristiansen vann silvur í sínum vektbólti, sum er -73 kg. Her vóru 8 luttakarar.

Sigmundur Johansen vann bronsu í sínum vektbólki, sum er -90 kg. Her vóru 8 luttakarar. Í tyngra opna bólkinum vann Sigmundur eisini bronsu.

Filmur við Gunnar Magnussen
24.06.2019
Filmur við Sigmundi Johansen
23.06.2019
Filmur við Petur Sigurð Johannesen
22.06.2019
Filmur við Maiken Bringsberg
21.06.2019
Filmur við Nicolaj Skoubo
21.06.2019