Í vikuskiftinum kappaðust Petur Sigurð Johannesen og Jógvan Páll Kristiansen í British Veterans Open í London, har dagurin eydnaðist framúr væl hjá báðum.

Jógvan Páll var í bólkinum -73kg M2, ið hevði seks luttakarar. Talan bleiv um fimm dystir, har Jógvan Páll vann silvur.

Petur Sigurð kappaðist í bólkinum -100kg M3, ið hevði seks luttakarar. Hann gjørdi ikki minni enn at vinna puljuna og síðan semifinalu og finalu og harvið gull heiðursmerkið.

Heiðursmerkini vórðu handað av japansku judo legenduni Shohei Ono.